રશિયાનો આરોગ્ય ક્ષેત્રે સૌથી મોટો દાવો! કેન્સરની રસી તૈયાર હોવાનો અને 2025ની શરૂઆતમાં લોન્ચ કરવાની આપી માહિતી...

Russia cancer vaccine: આજના સમયમાં સમગ્ર વિશ્વ કેન્સર જેવી ગંભીર બીમારીથી પરેશાન છે. આવી સ્થિતિમાં રશિયાએ એવો દાવો કર્યો છે, જે સમગ્ર વિશ્વ માટે રાહતના સમાચાર છે. રશિયાએ કહ્યું હતું કે તેણે કેન્સરની વેક્સિન બનાવી છે, જે તમામ નાગરિકોને મફતમાં મળશે. રશિયન સ્વાસ્થ્ય મંત્રાલયના રેડિયોલોજી મેડિકલ રિસર્ચ સેન્ટરના જનરલ ડાયરેક્ટર એન્ડ્રે કેપ્રિને રશિયન રેડિયો ચેનલ પર આ રસી વિશે માહિતી આપી હતી. રશિયન આરોગ્ય મંત્રાલયે જાહેરાત કરી કે તેણે કેન્સર સામે રસી વિકસાવી છે જે 2025 ની શરૂઆતથી રશિયામાં કેન્સરના દર્દીઓને મફતમાં આપવામાં આવશે.

►વેક્સિન કેન્સરને ફેલાતા અટકાવી શકે છે!

મોસ્કોમાં ગામાલેયા નેશનલ રિસર્ચ સેન્ટર ફોર એપિડેમિયોલોજી એન્ડ માઇક્રોબાયોલોજીના ડાયરેક્ટર એલેક્ઝાન્ડર ગિન્ટ્સબર્ગે અગાઉ TASSને ​​જણાવ્યું હતું કે વેક્સિન ટ્યૂમરને વધતા રોકે છે અને કેન્સરને ફેલતું અટકાવી શકે છે. દેખીતી રીતે આ વેક્સિનનો ઉપયોગ કેન્સરના દર્દીઓની સારવાર માટે કરવામાં આવશે. આ વેક્સિન કેન્સરને રોકવા માટે સામાન્ય લોકોને આપવામાં આવશે. આ રસી દરેક પ્રકારનાં કેન્સરના દર્દીને આપી શકાય છે.

►આ રસીનું નામ હજુ નક્કી કરવામાં આવ્યું નથી!

ડેઈલી મેલના સમાચાર અનુસાર, રશિયાના સ્વાસ્થ્ય મંત્રાલયે દાવો કર્યો છે કે તેઓએ કેન્સરની રસી વિકસાવી છે. રિપોર્ટ અનુસાર, આ રસી કેન્સરના દર્દીઓની સારવાર માટે હશે. જો કે, તેનો ઉપયોગ ગાંઠોને રોકવા માટે કરવામાં આવશે નહીં. અગાઉ, રશિયા તરફથી બહાર આવેલા નિવેદનમાં કહેવામાં આવ્યું હતું કે રસીના દરેક શોટ દર્દી માટે વ્યક્તિગત રીતે તૈયાર કરવામાં આવ્યા છે. પશ્ચિમી દેશોમાં પણ આવી જ રસી તૈયાર કરવામાં આવી રહી છે. રશિયા દ્વારા તૈયાર કરવામાં આવેલી રસીનું નામ હજુ નક્કી કરવામાં આવ્યું નથી.

► કેન્સર સામેની પ્રથમ રસી કઈ છે?

તમને જણાવી દઈએ કે 2023 માં, યુકે સરકારે વ્યક્તિગત કેન્સરની સારવાર વિકસાવવા માટે જર્મન બાયોટેકનોલોજી કંપની સાથે કરાર પર હસ્તાક્ષર કર્યા હતા. આ સિવાય મોડર્ના અને મર્ક એન્ડ કંપની હાલમાં ત્વચાના કેન્સરની રસી પર કામ કરી રહી છે. કેટલીક વધુ રસીઓ બજારમાં પહેલેથી જ ઉપલબ્ધ છે. હ્યુમન પેપિલોમાવાયરસ (HPV) સામેની રસીઓ સર્વાઇકલ કેન્સરને રોકવામાં મદદ કરે છે. તમને જણાવી દઈએ કે રશિયામાં 2022 માં કેન્સરના દર્દીઓના 635,000 થી વધુ કેસ નોંધાયા હતા. સ્તન, કોલોન અને ફેફસાના કેન્સરના સૌથી સામાન્ય કેસો અહીં છે.

►પુતિને અગાઉ કેન્સરની વેક્સિન અંગે શું કહ્યું હતું ?

રશિયાના રાષ્ટ્રપતિ વ્લાદિમીર પુતિને અગાઉ કહ્યું હતું કે તેમના દેશના વૈજ્ઞાનિકો ટૂંક સમયમાં કેન્સરની રસી તૈયાર કરવા કાર્યરત છે. પુતિને આ માહિતી મોસ્કો ફોરમ ઓન ફ્યુચર ટેક્નોલોજી કાર્યક્રમ દરમિયાન આપી હતી. કેન્સરની દવાની હ્યુમન ટ્રાયલ સપ્ટેમ્બર 2023માં અમેરિકામાં AOH1996 નામની કેન્સરની દવાનું માનવીય પરીક્ષણ શરૂ થયું હતું. વૈજ્ઞાનિકોનું કહેવું છે કે આ દવા શરીરના સ્વસ્થ કોષોને નુકસાન પહોંચાડ્યા વિના કેન્સરની ગાંઠોને સંપૂર્ણપણે ખતમ કરી શકે છે. વૈજ્ઞાનિકોએ જણાવ્યું હતું કે દવાનું નામ 1996માં જન્મેલી એના ઓલિવિયા હીલીથી પ્રેરિત છે. તેમને ન્યુરોબ્લાસ્ટોમા નામનું કેન્સર હતું. એનાનું 2005માં મૃત્યું થયું. તે 9 વર્ષની હતી. ન્યુરોબ્લાસ્ટોમા એ કેન્સર છે, જે બાળકોમાં થાય છે. આ એડ્રેનલ ગ્રંથિઓનું કેન્સર છે, જે પેટ, છાતી અને ગરદનના હાડકાંમાં વિકસે છે. એક વૈજ્ઞાનિકે કહ્યું- અમે નવ વર્ષની અના ઓલિવિયા હીલીને શ્રદ્ધાંજલિ આપવા માટે કેન્સરને મારનારી દવાનું નામ AOH1996 રાખ્યું છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News , russia makes big claim About cancer vaccine is ready and could be launched in Starting of 2025 | રશિયાનો આરોગ્ય ક્ષેત્રે સૌથી મોટો દાવો! કેન્સરની રસી તૈયાર હોવાનો અને 2025ની શરૂઆતમાં લોન્ચ કરવાની આપી માહિતી